மைய நரம்பு மண்டலம் காரணம்

பக்கவாதத்தினால் மூளையின் பாகங்கள் சேதமடைவது

மருந்துகள்

சில மருந்துகள் சிறுநீர் அல்லது மலம் கழித்தல் கட்டுப்பாட்டைப் பாதிக்கலாம்.

சிக்கல்கள்

உங்களுக்கு சிறுநீர் நோய்த் தொற்றுகள் ஏற்படலாம், இவற்றால் அடிக்கடி சிறுநீர் கழிக்க வேண்டியிருக்கலாம்.

உடல்ரீதியான மாற்றங்கள்

உடல் பலவீனம் மற்றும் உணர்விழப்பு உங்களின் நடமாட்டத் திறனை பாதிக்கலாம். நீங்கள் உரிய நேரத்தில் கழிப்பறைக்குச் செல்ல முடியாமல் போகலாம் அல்லது கட்டுப்படுத்துவதற்குச் சிரமப்படலாம்.

பக்கவாதத்திற்குப் பிறகு அறிவுத்திறன் மாற்றங்கள் மற்றும் பேச்சு சிரமம் ஆகியவை நீங்கள் உங்கள் கழிப்பறைத் தேவைகளை உங்களின் பராமரிப்பாளரிடம் தெரிவிப்பதற்கான உங்கள் திறனை பாதிக்கலாம்.

பக்கவாதத்திற்குப் பிறகு உள்விழுங்கும் பிரச்சினைகள் காரணமாக உங்களில் வழக்கமான உணவுமுறையில் மாற்றங்கள் ஏற்படும். இதனால், நீங்கள் குறைவாக சாப்பிடலாம் அல்லது குடிக்கலாம். நீரிழப்பு மற்றும் ஊட்டச்சத்து இல்லாமை ஆகியவற்றின் விளைவாக மலச்சிக்கல் ஏற்படலாம்.

குறைந்த உடல்ரீதியான நடவடிக்கைகள்

பக்கவாதத்திற்குப் பிறகு ஏற்படும் உடற்குறைகளின் காரணமாக உங்களின் உடல்ரீதியான நடவடிக்கைகள் தற்காலிகமாகக் குறையலாம். இதனால், நீங்கள் மலச்சிக்கலை அனுபவிக்கலாம்.

உட்கொள்ளுதல் மற்றும் வெளியேற்றுதல் தொடர்பான அட்டவனை

தாதியாளர்கள் உங்களின் குடிக்கும் அளவு, சாப்பிடும் அளவு, சிறுநீர் மற்றும் மலம் கழிக்கும் எண்ணிக்கையைப் பல நாட்களுக்குக் கண்காணிப்பார்கள்.

சிறுநீர் கழித்த பிறகு சிறுநீர்ப்பையில் எஞ்சியிருக்கும் சிறுநீரை அளவிடுதல்

உங்கள் சிறுநீர்ப்பையில் எஞ்சியிருக்கும் சிறுநீரின் அளவை மருத்துவர் அல்லது தாதியாளர் சிறுநீர்ப்பை ஸ்கேனர் அல்லது சிறுநீர் வடிகுழாயைப் (குழாய்) பயன்படுத்தி சரிபார்க்கலாம்.

அதிகளவில் சிறுநீர் எஞ்சியிருந்தால், அது சிறுநீரகப் பாதையில் அடைப்பை அல்லது சிறுநீர்ப்பை தசைகளில் பிரச்சனையைக் குறிக்கலாம்.

சிறுநீர் பரிசோதனை

சிறுநீர் நோய்த் தொற்று இருப்பதாகச் சந்தேகப்பட்டால், உங்கள் சிறுநீரின் மாதிரி பரிசோதனைக்கு அனுப்பப்படலாம்.

உங்களுக்கு உடல் ரீதியான உதவி அதிகமாகத் தேவைப்பட்டால் அல்லது உங்களின் சிறுநீர் மற்றும் மலம் கழிப்புக் கட்டுப்பாட்டைத் திரும்பப் பெறுவது போதுமானதாக இல்லாவிட்டால், நீங்கள் அணிவதற்கு டயப்பர்கள் வழங்கப்படலாம்.

உங்கள் சிறுநீர்ப்பையை முழுவதுமாக காலியாக்க முடியாவிட்டால், சிறுநீரை ஒரு பையில் வெளியேற்ற ஒரு சிறுநீரக வடிகுழாய் செருகப்படலாம். இது செருகப்பட்டு குறுகிய காலத்திற்கு வைக்கப்படலாம் அல்லது உங்களுக்கு வசதியாக இருக்கவும், சிறுநீர் நோய்த் தொற்றின் அபாயத்தைக் குறைக்கவும் ஒரு நாளைக்குப் பலமுறை செய்யப்படலாம்.

சிறுநீர்ப்பை தொடர்பான பயிற்சி - உங்களுக்கு சிறுநீர் கழிக்க வேண்டிய உந்துதல் ஏற்பட்ட பிறகு சிறிது நேரத்திற்குச் சிறுநீரை அடக்கி வைப்பதற்கான பயிற்சியாகும். இது அதிகச் சிறுநீரைத் தக்கவைக்கும் வகையில் சிறுநீர்ப்பையின் திறனை வலுப்படுத்துவதற்கும், கழிப்பறைக்குச் செல்லும் கால இடைவெளியை நீட்டிப்பதற்காகும்.

தேவைப்படும் போது கழிவறைக்குச் செல்வதற்குப் பதிலாக 2 முதல் 3 மணிநேரத்திற்கு ஒருமுறை கழிவறைக்குச் செல்ல திட்டமிடுங்கள்.

இடுப்புத் தளப் பயிற்சிகள் இடுப்புத் தள தசைகளை வலுப்படுத்த உதவுகின்றன. இது சிறுநீர்ப்பைக் கட்டுப்பாட்டை மேம்படுத்துவதோடு சிறுநீர் கசிவையும் குறைக்கலாம்.

இதை எவ்வாறு செய்வது?

• சிறுநீர் கழிப்பதை நிறுத்தப் பயன்படும் தசைகளை இறுக்கி, 5 விநாடிகளுக்குப் பிடித்து வைத்திருங்கள். அதன்பிறகு 5 விநாடிகளுக்கு ஓய்வெடுக்கவும்.
• இந்தப் பயிற்சியை ஒவ்வொரு நாளும் குறைந்தது 3 செட் 10 தரவைச் செய்யுங்கள்.

மலத்தை அடக்கமுடியாமைக்குச் சிகிச்சையளிக்க பல அறுவைச் சிகிச்சை முறைகள் உள்ளன. உங்கள் பக்கவாதப் பராமரிப்பு குழுவுடன் கலந்துரையாடுங்கள், தேவைப்பட்டால் நீங்கள் ஒரு நிபுணரிடம் பரிந்துரைக்கப்படுவீர்கள்.

• சிறுநீர் கழித்தல் தொடர்பான பிரச்சனைகளைத் தவிர்க்க, வழக்கமாகக் கழிப்பறைக்குச் செல்வதைத் திட்டமிடுங்கள்.
  
• சிறுநீர் அல்லது மலம் கழிப்பதற்குச் சுலபமாக அகற்ற முடியும் ஆடைகளை அணியுங்கள்.
  
• வழக்கமாக மலம் கழிப்பதை ஊக்குவிக்க ஒரு சுறுசுறுப்பான வாழ்க்கை முறையைக் கடைப்பிடியுங்கள்.

• ஏதேனும் சரும பாதிப்புகளைத் தடுப்பதற்கு நல்ல சுகாதாரம் மற்றும் தோல் பராமரிப்பைப் பேணுவது முக்கியம்.
• சருமச் சினப்புகள் மற்றும் சேதத்தை உருவாக்கும் அபாயத்தைக் குறைக்க மருந்தகத்திலிருந்து தடுப்பு கிரீம்களைப் பெறலாம்.

• உறங்கச் செல்வதற்கு முன் தண்ணீர் குடிக்கும் அளவைக் குறைப்பது, நடுஇரவில் சிறுநீர் கழிக்கச் செல்ல வேண்டிய தேவைகளைத் தவிர்க்க
• உதவும்.அதற்குப் பதிலாக, பகல்நேரத்தில் அதிகளவு தண்ணீர் குடியுங்கள்.
• நீங்கள் ஒரு நாளைக்கு 6 முதல் 8 கோப்பைத் தண்ணீர் குடிப்பதற்கு என்று ஊக்குவிக்கப்படுகிறீர்கள் (மருத்துவ ரீதியாக முரணாக இல்லாவிட்டால்). இது சிறுநீர்த் தடத் தொற்றுகள் மற்றும் மலச்சிக்கலைத் தவிர்க்க உதவும்.
• காஃபின் (எ.கா., காபி, தேநீர், கோகோ கோலா) மற்றும் மது ஆகியவற்றைக் கொண்டிருக்கும் பானங்களைக் குறைக்கவும், ஏனெனில் இது உங்கள் சிறுநீர்ப்பையை எரிச்சலடையச் செய்யலாம்.
• ஆரோக்கியமான, சமச்சீரான உணவுகளை உண்ணுங்கள். நார்ச்சத்து அதிகமுள்ள உணவுகள் மலச்சிக்கல் ஏற்படுவதைத் தவிர்க்க உதவலாம்.